公司有個小妹妹

最近公司有個小妹妹，童語無忌同我一邊工作一邊傾計。上個月我同佢解釋當佢交咗功課比我之後就佢收工我查閱，我遲過佢收工，所以我辛苦過佢，佢駁我話我人工高過佢，所以我加多d班。(咁佢又啱喎)
點知呢兩星期佢開始比我嚇親嘞！
朝朝八點我仆返去開會同舉手點名報到，之後佢就返工，到食晏前佢交咗功課比我之後我就踢佢去食飯，但當佢返嚟就知我冇時間去食飯，因為我仲咬住朝早塊厚多士。
點知尋晚佢做到九點幾，而我就做到成十點鐘，公司周圍收哂檔冇嘢食，我要淪落到食7仔丁丁飯，我食咗三啖等個胃咪投訴啦。
真係好難食呀 >﹏<
今日返工佢咪八卦我囉，又問我幾點走有冇食飯呀，咁我咪話佢知7仔d飯好難食囉，之後佢就自己數返我嘅工作日程出嚟，朝八晚唔知，做到冇停過，講完之後，佢亦開始明白我嘅辛苦唔係人工高過佢咁簡單囉。
所以我都希望佢醒醒哋，將來人工高過我、份工嘆過我啦！